في هذه المقاله راح اكشف لك عن كل الاسرار الخفيه عن البنج وهنحاول سويا نحل مشكله البنج وهنجاوب علي سؤال هل البنج شيء مهم في العاب الباتل رويال ولا لا وهل فعلا البنج هو سر الاحتراف ؟

كل ما تريد معرفته عن البنج سر احتراف فري فاير

الجواب علي الاساله السابقه هو سر خفي ستعرفه بعد انهاء قراءة هذه المقاله .

اولا يا عزيزي البنج بياثر على سرعه تحركك وعلى حركه الايم تبعك وعلى عدد الطلقات اللي بتقدر تطلقهم بالثانيه الواحده وعلى قوه طلق سلاحك والبنج هو الوقت اللي بتحتاجه عشان يوصل الامر من جهازك لسيرفر الشركه وبعدين يرجع لجهازك ويتنفذ وبينقاس البنج بوحده الملي سكند والملي سكند هو الجزء من الالف من ثانيه يعني ال 1000 مللي سكند هي ثانيه واحده ولما نحكي ان البنج عندك 100 معناته ان لما تكبس على الفاره او على التليفون عشان تطخ طلقه راح تحتاج 100 ملي سكند عشان تطلع من جهازك لسيرفر الشركه وترجع لجهازك مره ثانيه يعني لازم تعرف انه لما تكبس امر ما راح يتنفذ بنفس اللحظه راح يحتاج لوقت عشان يتنفذ الامر وكل ما كان الوقت اقل كل مكان تجربتك للعبه افضل ويعطيك افضليه على بقيه اللاعبين لانه يا عزيزي  مش بس الاوامر اللي بتحتاج وقت عشان تتنفذ كل شيء حواليك باللعبه هتشوفوا بوقت متاخر عن وقت حدوثه يعني مثلا لو فرضنا انك بتلعب ببنج 800 يعني البنج عندك مدته حوالي ثانيه واحده فكل شيء حواليك في اللعبه انت ما بتشوفه بنفس اللحظه بتشوفوا بعد ثانيه واحده من حدوثه يعني خصمك اللي بتشوفه بيركض بمكان معين هو مش موجود حاليا بهذا المكان هو قبل بثانيه كان موجود في هذا المكان وخصمك لما تشوفه بدأ يطخ عليك هو لم يكن بيطخ عليك بنفس اللحظه هو بلش يطخ عليك من ثانيه واحده عشان هيك دايما بتصير مع اللاعبين انه لسه الخصم ما طخ عليه ولكنه لقي حاله ميت لان البنج بيكون عندك عالي فكل شيء بتشوفه بيكون متاخر وهذا الشيئ بياثر على اربع اشياء رئيسيه.

علي ماذا يؤثر البنج

اول شيء هيتاثر هو الايم لان البنج له تاثير كبير على الايم لانه لما يكون عندك البنج عالي ماراح تشوف الاشياء بمكانها الحقيقي فانت لما ما تشوف المكان الحقيقي لخصمك ما راح تقدر تطلق عليه بشكل صحيح والايم عندك راح يكون ضعيف وحتى اذا كنت محترف ما راح يكون عندك الايم كويس الا اذا كان عندك البنج كويس لان ببساطه انت مش عارف المكان الصحيح لخصمك .

اللي بيصير كالتالي انت بتكون قاعد بتلعب بشكل طبيعي وتشوف احد خصومك خصمك بيكون قاعد يمشي ومش منتبه لك فانت بتحاول تأيم عليه عشان تطخه فبتحط الايم عليه ومتاكد 100% انك انت حاطط عليه الايم فلما تطلق عليه تتفاجئ ان خصمك ما تاثر بالطلق وهذا الشيء ما لانو إيمك ضعيف ولكن لان البنج عندك ضعيف .

النقطه الثانيه الرئيسيه اللي هي ان البنج بياثر على عدد الطلقات اللي بتطلقها من السلاح وانت بتلعب اللعبه وهديك الان مثال للعبه ببجي شوف معي الوقت اللي بيحتاجوا سلاح M4 بلعبه ببجي عشان يفرغ كل الطلقات لما يكون البنج عالي راح يحتاج ثلاث ثواني و 91 جزء من الثانيه اما لما نعمل نفس الاختلاف ولكن على بنج قليل راح يحتاج ثلاث ثواني و78 جزء من الثانيه عشان يفرغ كل الطلقات اللي فيه يعني مثل ما شفنا البنج بيزيد سرعه الطلق .

افهمك ليه هذا الشيء بيصير هذا الشيء بيصير لان اي طلقه انت بتطلقها بالسلاح هي عباره عن امر بيوصل لسيرفر اللعبه ولما يكون عندك البنج عالي معناته هتحتاج وقت اطول عشان الامر يوصل للسيرفر ويرجع لعندك فلانه البنج عالي معناته انك راح تحتاج لوقت اطول عشان تفرغ كل طلقات السلاح وهذا الشيء واضح جدا باسلحه SMG وهذه القاعده لا تنطبق بس على عدد الطلقات ولكن بتنطبق على اي خيار باللعبه بتحتاج انك تضلك كابس على الكبسه مثل المشي والطلق وانقاذ صاحبك هذه الاشياء بتقصر سرعه حدوثها بالبنج تبعك وعشان اكون صريح معاك الفرق ما راح يكون كتير كبير وما راح يكون ملحوظ بس لازم اذكره لانه هياثر .

النقطه الثالثه اللي بياثر عليها البنج بشكل مباشر هي سرعه تحركك باللعبه في عندنا انواع لاعبين مخلتفين لاعب بيلعب على بنج صفر ولاعب بيلعب على بنج 100 هيكون لعب اللاعب صاحب 100 بنج عباره عن سلحفاه مقارنه بلاعب ابو 0 بنج كل خمس حركات بيعملهم لاعب 0 بنج لاعب ال 100 بنج بيكون عامل بس حركه واحده يعني البنج ممكن يزيد سرعتك اضعاف وهذا بيفرق كثير في اللعبه وهذا شيء بينطبق على اي حركه او اي امر بتستخدمه في اللعبه وهذه النقطه لحالها كفيله تحول اي محترف لنوب .

والان نيجي للنقطه الاخيره وانا متاكد ان عدد كبير منكم ما عمره سمع فيها وراح ينصدم منها وهي انه ممكن ياثر حتى على قوه الطلق بالضبط مثل ما سمعت البنج بياثر على قوه الطلق .

عملت اختبار وهو لاعبين ماسكين نفس السلاح واحد عنده البنج قليل وواحد عنده البنج كثيركل واحد منهم نفس عدد الطلقات وبنفس المسافه اللاعب الاول صاحب البنج العالي بدأ يطخ على الثلج وقدر يكسر لحد اربع طبقات وبعد هيك اللاعب التاني صاحب البنج القليل بدأ يعمل نفس الشيء والمفاجاه انه قدر يكسر اربع طبقات وزياده شويه يعني صاحب البنج القليل تاثير سلاحه اقوى من صاحب البنج العالي والسبب ان صاحب البنج العالي بيحتاج وقت اكثر عشان اللعبه تعرف ان في جدار انكسر فاللي بيصير ان في طلقات ما بتنحسب نفس الشيء راح يصير لو كنت قاعد تطلق على خصمك ممكن طلقات الك ما بتنحسب لانها انطلقت على الدرع وخوز على خصمك انت اساسا كسرتهم والمفروض يكونوا مش موجودين .

طريقه حل مشكله البنج

والان نيجي للسؤال القوي كيف ممكن نحل مشكله البنج ؟

للاسف يا عزيزي من الصعب حل مشكله البنج لان البنج بشكل اساسي بيعتمد على البعد بينك وبين سيرفر اللعبه فاذا قدرت تسافر على دوله قريبه من سيرفر اللعبه اللي انت بتلعبها البنج راح يتغير تغير جذري وهذا هو الحل الوحيد الحقيقي وراح اعطيك بعض النقاط ممكن تحسن البنج تبعك .

النقطه الاولى هي انك تخلي الاتصال بالانترنت عن طريق السلك ليس عن طريق الواي فاي .

النقطه التانيه انك تشتري راوتر جيمنج مخصص للالعاب .

النقطه الثالثه انك تختار شركه اتصالات تدعم السيرفر اللي بتلعب عليه .

النقطه الرابعه انك تستخدم نت فايبر مش نت 4G .

النقطه الخامسه انه تتاكد انه ما في اي برامج وانت بتلعب بتستهلك من الانترنت تبعك وتتاكد ان ما في اي اجهزه تانيه متصله بالانترنت تتاكد ان كل النت تبعك رايح بس على اللعبه .

النقطه السادسه انك تتاكد انك مختار اقرب سيرفر لبلدك من داخل اللعبه وهذا راح يوفر لك اقل بنج ممكن ولمزيد من النصائح بامكانك قراء مقالة حل مشكله اللاق في فري فاير .

يمكنك مشاهده هذا الفيديو لمزيد من المعلومات ايضا